"Челси" клублар ўртасидаги жаҳон чемпионати финалида "Пари Сен-Жермен" дарвозасига жавобсиз 3 та тўп киритди.
Учала голда ҳам Коул Палмер бевосита иштирок этди: 22 ва 30-дақиқаларда унинг ўзи гол урди, 43-дақиқада эса Жоао Педро голли узатмани амалга оширди.
Opta маълумотларига кўра, Палмер "Челси"нинг яқин тарихида финалда учта голли ҳаракат қилган иккинчи футболчисидир. Бунга охирги бўлиб Эден Азар 2019 йилнинг май ойида "Арсенал" билан Европа Лигаси финалида эришган - ўшанда "кўклар" 4:1 ҳисобида ғалаба қозонган, бельгиялик футболчи ҳам 2+1 кўрсаткичини қайд этганди.
