Бразилиялик ярим ҳимоячи Жерсон Санкт-Петербургнинг "Зенит" клуби билан шартнома имзолади. Бу ҳақда "кўк-оқ-кўклар" расмий сайти хабар бермоқда.
Шартнома муддати 5 мавсумни ташкил этади. 28 ёшли футболчининг трансфер суммаси 25 миллион еврога баҳоланмоқда. Ўтмишда Жерсон ўз ватанида "Фламенго" сафида ўйнаган. Шунингдек, у "Марсель", "Фиорентина", "Рома" ва "Флуминенсе" клубларида ҳам ўйнаган.
4 йил аввал футболчи миллий терма жамоада дебют қилган ва шундан буён терма жамоа сафида 14 та ўйинда майдонга тушиб, 1 та гол урган.
Ўтган мавсумда Жерсон 28 та ўйинда майдонга тушиб, 2 та гол урди ва 4 та голли узатмани амалга оширди.
