Англиянинг "Астон Вилла" клуби ҳужумчи Олли Уоткинс кетадиган бўлса, унга муносиб ўринбосар қидирмоқда. Бу ҳақда Goal.com хабар бермоқда.
Сўнгги маълумотларга кўра, Уоткинс "Манчестер Юнайтед"га кўчиб ўтиши мумкин. Агар келишув амалга ошса, "Астон Вилла" испаниялик ҳужумчи Саму Агеховани ўз сафига қўшиб олишга уриниб кўради. 21 ёшли футболчи Португалиянинг "Порту" жамоасида ўйнайди ва 80 миллион евро эвазига жамоани тарк этиши мумкин.
Агехова ўтган мавсум барча клуб турнирларида 45 та ўйинда 27 та гол ва 3 та голли узатма билан ажойиб мавсум ўтказди. У "Порту"га ўтгунга қадар "Гранада", "Алавес" ва Мадриднинг "Атлетико" каби клубларида тўп тепган. Бир йил олдин ҳужумчи Олимпия ўйинлари ғолибига айланган, бу йил эса Испания билан Миллатлар лигаси кумуш медалини қўлга киритган.
