Каталониянинг "Барселона" клуби собиқ футболчиси Франсиско Карраско Испания терма жамоаси ва "Атлетик" вингери Нико Уильямснинг "кўк-анорранглилар" сафига ўтиши барбод бўлганига муносабат билдирди.
"Кўпчилик қатори жаҳлим чиқди. Музокаралар бузилди, бундай ҳолатлар бўлиб туради. Аммо Уильямс "Барселона"да ўйнаши керак, деган фикрни қўллаб-қувватлайман. У рақиблар эътиборини Ямалдан чалғитарди. Ҳозир ҳамманинг эътибори Ламинда, аввал Лео Месси билан бўлгани каби. Шундай қилиш керакки, Ямал ҳар доим ҳам диққат марказида бўлмасин," - дея Каррасконинг сўзларини келтиради Mundo Deportivo.
Аввалроқ, Уильямс Бильбао клуби билан янги узоқ муддатли шартнома имзолагани маълум бўлганди. Вингернинг басклар билан шартномаси 2035 йилнинг ярмигача мўлжалланган.
