Хорватиялик ярим ҳимоячи Лука Модрич тез орада "Милан" қароргоҳига етиб келади.

Фабрицио Романо хабарига кўра, айни дамда 39 ёшли Модрич Италияга йўл олган ва тез орада "россонерилар" сафига ўтишини якунлаш учун тиббий кўрикдан ўтиш учун Миланга етиб боради.

2012 йилдан бери Модрич Мадриднинг "Реал" клубида ўйнаган, аммо клублар ўртасидаги жаҳон чемпионати якунлангач, жамоани эркин агент сифатида тарк этган.

2024/25 йилги мавсумда Модрич барча турнирларда 63 та ўйинда майдонга тушиб, тўртта гол урди ва тўққизта голли узатмани ўз ҳисобига ёздириб қўйди.