Ламин Ямал митти одамларни зиёфатга ёллаганликда айбланган.
Эслатиб ўтамиз, "Барселона" вингери ўзининг 18 ёшини нишонлаш учун зиёфат уюштирганди. Тадбирда таниқли меҳмонлар - стреймерлар, таъсир ўтказувчилар, жамоадошлар ва мусиқачилар иштирок этишди.
Кейинчалик, Ахондроплазия ва миттилик билан бирга келадиган бошқа скелет дисплазиялари билан оғриган одамлар ассоциацияси баёнот эълон қилди, унда митти одамлар кўнгилочар мақсадларда тадбирга ёлланганлиги даъво қилинган. Ижтимоий ҳуқуқлар вазирлиги текширув ўтказишни сўради.
"Биз пулли одамлар, қудратлилар ўзини жазосиз деб ҳисоблаётганидан хавотирдамиз. Ижтимоий ҳуқуқлар вазирлиги ОАВда эълон қилинган маълумотлардан хабардор бўлиб, қўл қовуштириб ўтирмайди. Қонун ҳаммага, оддий одамларга ҳам, ҳокимиятга ҳам тегишли.
Тегишли текширувлар бошлансин ва уларнинг натижаларига кўра тегишли чоралар кўрилсин" - деди ногиронлик масалалари бўйича масъул Хесус Мартин.
