"Арсенал" ва "Челси"нинг собиқ футболчисини "Брентфорд" ўз сафига қўшиб олмоқчи.
Инсайдер Фабрицио Романонинг эксклюзив маълумотига кўра, "Брентфорд" вакиллари "Ипсвич"нинг ўнг ва чап қанот ҳужумларида ўйнай оладиган 21 ёшли ярим ҳимоячиси Омари Хатчинсонга қизиқиш билдирган.
Қайд этилишича, истеъдодли англиялик ёзда "Манчестер Юнайтед"га ўтиши кутилаётган Брайан Мбеумо ўрнини эгаллаши мумкин. Бироқ, маълум бўлишича, ҳозирча клублар унинг трансфери бўйича музокаралар олиб бормаяпти.
2024/25 йилги мавсумда Омари Хатчинсон "Ипсвич" сафида АПЛда 31 та ўйинда 3 та гол урди ва 2 та голли узатмани амалга оширди. Transfermarkt сайтида унинг нархи 22 миллион еврога баҳоланмоқда.
