"Ювентус" ҳужумчи Душан Влаховични "Милан"га сотишга умид қилмоқда.
"Россонерилар"нинг 25 ёшли сербга қизиқиши ҳақида анчадан бери маълум - миш-мишлар Массимилиано Аллегри бош мураббий этиб тайинланганидан сўнг дарҳол тарқалди. Влаховичнинг маоши "Ювентус" учун жуда катта, шунинг учун клубда ҳужумчи билан тезроқ хайрлашиш истаги бор. Il Mattino нашрининг хабар беришича, "кекса сеньора" босслари "Милан" ёзда футболчи учун 25 млн евро таклиф қилишини кутмоқда. Бундай шароит туринликларни қониқтирарди.
"Милан" янги ҳужумчи қидирмоқда ва ҳамон Душан Влахович трансферидан манфаатдор, аммо футболчининг молиявий талаблари асосий тўсиқ бўлиб қолмоқда.
