"Челси" марказий ҳимоячиси Леви Колвилл клублар ўртасидаги жаҳон чемпионати истиқболлари ҳақида гапирди.
Лондонликлар 32 клуб билан илк бор кенгайтирилган форматда ўтказилган турнирнинг якунланган мавсуми ғолиби бўлишди. Якшанба куни бўлиб ўтган финалда Энцо Мареска жамоаси "ПСЖ"ни! йирик ҳисобда мағлуб этди - 3:0.
"Ўйлайманки, келажакда клублар ўртасидаги жаҳон чемпионати Чемпионлар лигасидан кўра нуфузлироқ турнирга айланади. Ва биз уни ютган биринчи жамоа сифатида тарихга кирдик," - дея Колвиллнинг сўзларини келтиради Sky Sports.
Клублар ўртасидаги жаҳон чемпионатининг навбатдаги турнири 2029 йилда бўлиб ўтади.













