Марказий ҳужумчи Душан Влахович Туриннинг "Ювентус" клубини тарк этиб, Италиянинг бошқа клубида фаолиятини давом эттириши мумкин. Бу ҳақда The Sun журналистлари хабар берди.
Манбага кўра, сербиялик ҳужумчи "Милан"га ўтишни истамоқда. Потенциал трансфер суммаси 20 миллион еврони ташкил этиши мумкин. Влаховичнинг "кекса синьора" билан амалдаги шартномаси 2026 йилнинг ярмигача мўлжалланган.
Ҳужумчи Италия чемпионатининг 2024/2025 йилги мавсумида "Ювентус"нинг 29 та учрашувида иштирок этган. Душан 10 та гол (4 таси пенальтидан) ва 4 та голли узатмани амалга оширди.













