Мутахассис Клаудио Раньери "Милан"нинг собиқ футболчиси Женнаро Гаттузонинг Италия терма жамоасига бош мураббий этиб тайинлангани ҳақида фикр билдирди.
"Женнаро ҳар доим унга имконият берилса, муваффақиятга эришишга ҳаракат қилишни хоҳлаган. Гаттузо Италия терма жамоасини яхши билади, у бунинг учун кўп курашган. Унга энг яхши тилакларимни билдирмоқчиман", - деди Раньери Football-Italia билан суҳбатда.
Эслатиб ўтамиз, Гаттузонинг "скуадра адзурра" бош мураббийи этиб расман тайинланиши ўтган ой ўрталарида эълон қилинган эди. 47 ёшли мураббий Италия терма жамоасида ишлашдан аввал “Милан”, “Наполи”, “Валенсия” ва бошқа жамоаларни бошқарган.
