"Интер" сафида Чемпионлар лигаси ғолиби Уэсли Снейдернинг ўғли, ҳужумкор ярим ҳимоячи Жесси Снейдер "Утрехт" билан илк профессионал шартномасини имзолади. 18 ёшли нидерландиялик ушбу воқеани ўз орзуси деб атади.
"Бу ҳақиқатга айланган орзу. "Утрехт" академиясига келганимдан буён шу даражага етиш учун кўп меҳнат қилдим. Биринчи профессионал шартномамнинг имзоланиши нафақат мукофот, балки янги босқичнинг бошланиши ҳамдир. Мен ривожланишда давом этишни ва биринчи навбатда келаси мавсумда "Йонг Утрехт" сафида имкон қадар кўпроқ ўйин амалиётига эга бўлишни истайман," - дея футболчининг сўзларини келтиради Нидерландия клуби расмий сайти.
Айтиш керакки, Уэсли Снейдернинг отаси ҳам икки акаси каби футболчи бўлган.
