Мюнхеннинг “Бавария” клуби “Кристал Пэлас” ва Англия терма жамоаси ҳужумчиси Эберечи Эзе учун курашда “Арсенал” билан беллашади, деб ёзади The Sun.
Манбага кўра, Лондон клуби бош мураббийи Микель Артета Эзени жамоанинг янгиланган рўйхатидаги керакли нуқта сифатида кўрмоқда. Ўз навбатида, немис гранди англияликни жиддий жароҳат олган ҳужумкор ярим ҳимоячи Жамол Мусиалага ўринбосар сифатида кўрмоқда.
Таъкидланишича, Эзенинг шартномасида 68 миллион фунт стерлинг сотиб олиш варианти мавжуд.
Ўтган мавсумда Эзе барча турнирларда 43 та ўйинда қатнашиб, 14 та гол урди ва 11 та голли узатмани амалга оширди.
