"Челси" клублар ўртасидаги жаҳон чемпионатидаги ғалабадан кейин ҳомийлар учун янада жозибадор вариантга айланди.

Инглиз клуби финалда "ПСЖ"ни йирик ҳисобда мағлуб этиб (3:0) турнир ғолибига айланди.

The Telegraph нашрининг ёзишича, бу муваффақият лондонликларга бир йил олдин рад этилган таклифларга нисбатан 100 миллион фунт кўпроқ фойда келтириши мумкин бўлган футболкадаги титул ҳомий билан янги шартномага йўл очди.

Шунингдек, "Челси" футболчилари ғалаба учун мукофот пули - тахминан 350 минг фунт олишлари айтилмоқда.

Бир йил аввал "Челси" футболкаларга логотип тушириш учун йилига тахминан 40 млн фунт тўлашга тайёр бўлган икки компания билан музокаралар олиб борган, бироқ ўшанда клуб кутишга қарор қилганди.

Энди битим йилига 60 миллион фунт стерлингга тушиши кутилмоқда ва ҳозирда 7-10 та йирик жаҳон брендлари билан музокаралар олиб борилмоқда.

"Агар "Челси" ўтган йили келишувга рози бўлганида, 100 миллион фунтгача зарар кўрган бўларди. Энди эса, EЧЛга чиқиб, КЎЖЧда ғалаба қозонган клубнинг музокаралардаги позицияси анча кучли," - деди манба.