Тьяго Альмада "Атлетико"га ўтмоқда.
Мадрид клуби "Ботафого" билан ярим ҳимоячининг трансфери бўйича келишувга эришганини ва футболчи тиббий кўрикдан ўтгач, у билан шартнома тузишини маълум қилди.
Инсайдер Фабрицио Романонинг хабар беришича, "Атлетико" трансфер қиймати 40 миллион еврога тенг бўлган Альмаданинг ҳуқуқларини қисман сотиб олади.
Ўтган мавсумнинг иккинчи ярмида аргентиналик футболчи ижара асосида "Лион"да тўп тепди. Лига 1даги 16 та ўйинда 24 ёшли ярим ҳимоячи 1 та гол уриб, 4 та голли узатма берди.













