Ҳуқуқлари Германиянинг “РБ Лейпциг” клубига тегишли бўлган словениялик форвард Бенжамин Шешко унга қизиқиш бўлган Саудия Арабистони чемпионатига ўтмоқчи эмас.
Инсайдер Фабрицио Романонинг сўзларига кўра, 22 ёшли ҳужумчи бор эътиборини Европадаги фаолиятига қаратган. Олдинроқ матбуотда словениялик футболчига "Ливерпуль" ва Лондоннинг "Арсенал" клубларидан қизиқиш билдирилганди.
Бенжамин 2023 йилдан бери "РБ Лейпциг"да ўйнаб келмоқда. Transfermarkt экспертлари унинг бозор қийматини 70 миллион еврога баҳоламоқда.
Ўтган мавсумда форвард "буқалар" сафида 45 та ўйин ўтказиб, 21 та гол урди ва 6 та голли узатмани амалга оширди.
