Ҳужумчи Пьер-Эмерик Обамеянг Саудия Арабистонининг "Ал-Қодисия" клубини тарк этиб, Европага қайтишга яқин турибди. 36 ёшли габонлик футболчи клуб билан шартномани муддатидан олдин бекор қилиш борасида келишиб олди.
L'Equipe хабарига кўра, Обамеянг "Марсель"га қайтиш ниятида. Провансалликлар африкалик футболчи билан икки йиллик меҳнат шартномасини имзолашга тайёр. Эслатиб ўтамиз, Пьер-Эмерик 2023/2024 йилги мавсумда француз клуби шарафини ҳимоя қилганди.
Ҳужумчи ўтган мавсумда 36 та ўйин ўтказиб, 21 та гол ва 3 та ассистни ўз ҳисобига ёздириб қўйган. Обамеянгнинг трансфер нархи 3,5 миллион еврога баҳоланмоқда.
