Лондоннинг "Арсенал" клуби форварди Итан Нванери "канонирлар" билан янги меҳнат шартномасини имзолашга розилик берди, дея хабар бермоқда инсайдер Фабрицио Романо ўзининг ижтимоий тармоқлари орқали.
Нванерининг Англия топ-клуби билан амалдаги шартномаси 2026 йилнинг ёзида якунига етади. Transfermarkt портали баҳосига кўра, 18 ёшли футболчининг трансфер нархи 55 миллион еврони ташкил қилмоқда.
Итан Англия чемпионатининг ўтган мавсумида 26 та ўйин ўтказди. Ҳужумчи 4 та гол ва 2 та ассистни ўз ҳисобига ёздириб қўйди. Мавсум якунларига кўра, "канонирлар" Премьер-лигада иккинчи ўринни эгаллади.
