"Бавария" ҳужумкор ярим ҳимоячиси Паул Ваннер яна ижарага кетмоқчи.
19 ёшли германиялик футболчи ҳозирча Мюнхен клубида ўзини кўрмаяпти, деб хабар беради Sport Bild.
Манбага кўра, ҳужумкор ярим ҳимоячи сотилиши ҳам мумкин, аммо қайта сотиб олиш имконияти билан.
Ваннер ўтган мавсумда "Хайденхайм"да, ундан олдин эса "Эльферсберг"да ижарада ўйнаган.
Июнь ойида футболчи Германия ёшлар терма жамоаси сафида Евро U21 мусобақасининг кумуш медали совриндори бўлди.
Ўтган мавсумда барча мусобақаларда 41 та ўйинда Ваннер 6 та гол ва 4 та голли узатмани амалга оширган.
