"ПСЖ" марказий ҳимоячиси Лукас Беральдо "Манчестер Юнайтед"ни қизиқтириб қолди, дея хабар бермоқда Fichajes нашри.
Француз клуби раҳбарияти Луис Энрике билан биргаликда асосий ўйинларда заифлик кўрсатган жамоанинг ҳимоя чизиғи учун янги кучайтиришлар устида ишламоқда ва Беральдонинг номи жамоадан кетиш учун биринчи номзодлар рўйхатига киритилган.
"Олд Траффорд"да бразилияликнинг ёшлиги ва ҳали ривожлантира оладиган салоҳияти қадрланади. Инглизларнинг қизиқиши яқин ҳафталарда аниқ таклифга айланиши мумкин.
Эслатиб ўтамиз, Беральдо 2024/25 йилги мавсумда "ПСЖ" сафида барча мусобақаларда 38 та ўйинда майдонга тушиб, 1 та гол урган.
