"Реал" клуби ўзининг расмий сайти орқали футболчисининг жамоадан кетишини эълон қилди. Гап "қаймоқранглилар" асосий таркибида 402 та ўйин ўтказган ҳимоячи Лукас Васкес ҳақида кетмоқда. "Реал"даги фаолияти давомида Васкес 23 та чемпионликни қўлга киритган. Бунга Чемпионлар Лигасидаги бешта ғалаба ва Испания чемпионатидаги тўртта ғалаба киради.
"Реал"нинг Лукас Васкес билан хайрлашув маросими 17 июль, пайшанба куни бўлиб ўтади. Тадбирда Мадрид суперклуби президенти Флорентино Перес иштирок этмоқда.
"Реал" клубимизнинг энг буюк афсоналаридан бири бўлган Лукас Васкесга ўз миннатдорчилиги ва меҳрини билдиради," - дейилади "қаймоқранглилар" хабарида.
Лукас Васкес 34 ёшда. Энди у ўзига янги жамоа қидиришига тўғри келади.
