Туриннинг "Ювентус" клуби ярим ҳимоячиси трансфери учун "Манчестер Юнайтед" ва АПЛнинг бошқа клублари кураш олиб боради.
Football Insider нашрининг хабар беришича, ёзда "МЮ" вакиллари Дуглас Луисга жиддий қизиқиш билдирган, бироқ уни 27 ёшли бразилияликни ижарага олмоқчи бўлган "Эвертон" даъвогарлик қилмоқда. У тез орада Италияни тарк этиши мумкин, "қизил иблислар" эса унинг трансфери учун курашда фаворит ҳисобланади.
Қайд этилишича, унинг хизматларига "Лидс Юнайтед", "Кристал Пэлас" ва "Ноттингем Форест" клублари ҳам қизиқиш билдирмоқда.
Эслатиб ўтамиз, "Ювентус" ўтган ёзда "Астон Вилла"дан 50 миллион евро эвазига Дуглас Луисни ўз сафига қўшиб олган эди. 2024/25 йилги мавсумда бразилиялик футболчи барча мусобақаларда "бьянконерилар" сафида 27 та ўйинда атиги 877 дақиқа майдонда ҳаракат қилган.
