"Фенербахче" ёзда ҳужумчи Жон Дуранни ижарага олишга муваффақ бўлди, унинг учун "Ан-Наср" қишда "Астон Вилла"га 77 миллион евро тўлаган эди. Колумбиялик футболчи "Фенербахче"нинг мавсумолди тайёргарлигига ўз вақтида келмагани жамоа бош мураббийи Жозе Моуриньонинг жаҳлини чиқарди.
"Бу ҳурматсизлик. Бу ерда аниқ қоидалар бор ва уларга риоя қилмаган ҳар бир киши жавобгарликка тортилади. У келганида у билан гаплашамиз. Агар келса..." - дея Моуриньонинг сўзларини келтиради Marca.
Ўтган йилги Туркия чемпионатида "Фенербахче" турнир жадвалида 2-ўринни эгаллаган эди. Чемпионлик унвонини "Галатасарой" қўлга киритди.
