“Нефтчи” клубининг Фарғона шаҳридаги “Фарғона” марказий ўйингоҳи таъмирланаётганлиги туфайли, XXII Ўзбекистон Чемпионатининг “Нефтчи”–“Навбаҳор” 12-тур учрашуви 2013 йил 29 июнь куни соат 18.00 да Қўқон шаҳридаги “Марказий” стадионида ўтказилади.
“Нефтчи” футбол клуби ўз мухлисларидан мазкур учрашувда жамоамизни бевосита стадионда қўллаб-қувватлашингизни сўраймиз. Маълумки, “Нефтчи” жамоасида бўлиб ўтган ўзгаришлардан кейин жамоамиз қийин дамларни бошидан ўтказмоқда. Мана шундай паллада мухлисларнинг далдаси жуда муҳим аҳамият касб этади.
Замонавий футболда мухлисларнинг “12-ўйинчи” сифатида эътироф этилиши бежиз эмас. Шу жиҳатларни инобатга олган ҳолда, жамоа бугунги шароитда мухлисларнинг самимий қўллаб-қувватлашларига, бизга бўлган юксак ишончидан, ғалабали дамларни яна қайтаришга ҳаракат қилади.
Ҳурмат билан “Нефтчи” клуби аъзолари.
