Инсайдер Фабрицио Романонинг сўзларига кўра, "Интер Майами" "Атлетико Мадрид" марказий ярим ҳимоячиси Родриго де Паулни сотиб олишга яқин турибди.
Манбага кўра, 31 ёшли аргентиналик футболчининг трансфери бўйича музокаралар юқори босқичда, клублар деярли келишувга эришган.
Де Паул ва Америка клуби ўртасидаги 4 йиллик шартнома бўйича музокаралар ҳам якуний босқичда.
2021 йилнинг ёзида “Атлетико” де Паул учун “Удинезе”га 35 миллион евро тўлаган. Ўтган мавсумда у 50 та ўйинда 3 та гол урди ва 9 та голли узатмани амалга оширди.
