"Фенербахче" Жон Дураннинг биринчи машғулотини ўтказиб юборгани ҳақидаги хабарларни рад этди.

Колумбиялик ҳужумчи "Ан-Наср"га 77 миллион+13 миллион евро эвазига ўтганидан кейин олти ой ўтиб, турк клубига ижарага ўтди.

Бугун ОАВ футболчининг мавсумолди биринчи машғулотига келмагани ҳақида хабар тарқатди. Бу чора кўришга ваъда берган бош мураббий Жозе Моуриньонинг жаҳли чиққани даъво қилинган.

"Бу ҳурматсизликдир, қоидалар аниқ ва тушунарли, уларга риоя қилмаган ҳар бир киши ёмон оқибатларга дуч келади.

Агар у келса, биз у билан гаплашамиз", - дея Моуриньонинг сўзларидан иқтибос келтиради Spor Arena.

Бироқ "Фенербахче" тез орада рад жавобини берди.

"Мураббийимиз Жозе Моуриньонинг хориж матбуотида футболчимиз Жон Дуран ҳақида айтган гаплари бутунлай ёлғон. Мураббийимиз бу борада ҳеч қандай баёнот бермаган.

Ўйинчимиз Алгарведаги машғулотларда жамоага қўшилиш учун бугун кечқурун Португалияга келди" - деди клубнинг медиа менежери Алпер Йеменичилер.