"Ан-Наср"нинг португалиялик юлдуз ҳужумчиси Криштиану Роналду мухлислар талқинига кўра, Саудия Арабистони чемпионатининг 2024/2025 йилги мавсумининг энг яхши футболчиси деб топилди. Бу ҳақда турнир матбуот хизмати ижтимоий тармоқларда хабар бермоқда.
Мавсум давомида Роналду 15 марта ўйинларнинг энг яхши футболчиси бўлган. У Саудия Арабистони Про-лигасида 30 та ўйин ўтказиб, 25 та гол урди ва шу тариқа турнирнинг энг яхши тўпурарига айланди.
Бундан ташқари, Про-Лиганинг 27-туридан ўрин олган "Ар-Риёд"га (2:1) қарши ўйинда 40 ёшли Криштиану жарима майдончаси чизиғи устидан тўпни дарвозага йўллаб, киритган тўп мухлислар томонидан Саудия Арабистонида 2024/2025 йилги мавсумнинг энг яхши голи деб топилди. Шу тариқа, Роналду мавсум якунларига кўра учта шахсий совринга эга бўлди.
"Ан-Наср" мавсумни учинчи ўринда якунлади, чемпионлик "Ал-Иттиҳод"га насиб этди, иккинчи ўринни эса "Ал-Ҳилол" эгаллади.
