Ўзбекистон ёшлар терма жамоаси гуруҳдаги 3-тур ўйинини ўтказмай туриб, нимчорак финал масаласини ҳал қилиб бўлди.
Хабарингиз бор, Ўзбекистон терма жамоаси дастлабки 2та тур ўйинидан кейин битта ғалаба ва битта дурангга эришиб, 4 очко билан 1-ўринни эгаллаб турибди. Ҳозирги ҳолатимизда якуний турда қандай натижа қайд этилишидан қатъий назар, 3-ўриндан пайтга тушмаймиз. Гуруҳларда 3-ўринларни эгаллаган жамоаларнинг 4таси эса нимчорак финалга чиқади.
Ҳозирча барча ўйинлар якунланган 3та гуруҳга эътибор қаратадиган бўлсак:
"А" гуруҳида 3-ўринни Гана терма жамоаси қўлга киритди. Африкаликлар 3 очко жамғаришди (тўплар нисбати — 5-5).
"D" гуруҳида Мексика терма жамоаси 3-ўринни эгаллади. Бугун қўлга киритилган ғалаба, мексикаликларнинг мусобақадаги илк очколари бўлди. Тўплар нисбати — 5-4.
Демак, 3-ўринни эгаллаган жамоалар орасида камида 2та жамоа Ўзбекистоннинг натижасидан паст кўрсаткичга эга бўлади. Бу эса Ўзбекистонга (Хорватияга ҳам) муддатидан аввал 1/8 финал йўлланмасини нақд қилди.
Ўзбекистон ёшлар терма жамоаси нимчорак финалда рақиб танлаш ҳуқуқига эга бўлади.
Терма жамоамиз Уругвайни мағлуб этиб, гуруҳ ғолибига айланча, "Е" гуруҳида 2-ўринни эгаллаган жамоа билан тўқнаш келади. Ушбу гуруҳда ҳозирча Ироқ ва Чили терма жамоалари бир хил кўрсаткичга эга — 4 очко, тўплар нисбати +1. Ироқ кўпроқ гол ургани ҳисобига ҳозирча 1-ўринда турибди. Эртага 23:00 (Тошкент вақти билан)да бошланадиган ўйин гуруҳ ғолиби ва 2-ўрин эгасини аниқлаб беради. Шунингдек, 2 очкога эга бўлиб турган Англия гуруҳ аутсайдери Миср билан куч синашади. Гуруҳда Англия ҳам 2-ўринни эгаллаб қолиши мумкин.
Ўзбекистон гуруҳда 2-ўринни эгалласа, Нигерия билан ўйнайди.
Ўзбекистон гуруҳда 3-ўринни эгалласа, ё "С" гуруҳи ғолиби (бир неча соатдан кейин аниқ бўлади, Колумбия бўлиши эҳтимоли юқори) ёки "D" гуруҳи ғолиби (қуръа орқали аниқланди — Греция) билан ўйнайди.
Шундай қилиб, қуйидаги жамоалар 1/8 финал йўлланмасини қўлга киритиб бўлишди:
Испания ("А" гуруҳи 1-ўрин)
Франция ("А" гуруҳи 2-ўрин)
Португалия ("В" гуруҳи 1-ўрин)
Нигерия ("В" гуруҳи 2-ўрин)
Жанубий Корея ("В" гуруҳи 3-ўрин)
Колумбия ("С" гуруҳи)
Греция ("D" гуруҳи 1-ўрин)
Парагвай ("D" гуруҳи 2-ўрин)
Ироқ ("Е" гуруҳи)
Чили ("Е" гуруҳи)
Ўзбекистон ("F" гуруҳи)
Хорватия ("F" гуруҳи)
