"Манчестер Юнайтед"нинг аргентиналик вингери Алехандро Гарначо яқин келажакдаги режалари ҳақида бир қарорга келди, дея хабар беради журналист Николо Скира.
Инсайдернинг фикрича, 20 ёшли футболчи жорий трансфер ойнасида Туманли Альбионни тарк этмоқчи эмас. Гарначога бошқа чемпионатлардан қизиқиш бор, аммо футболчи Англия Премьер-лигасида қолишни истамоқда.
Аргентиналик футболчининг бозор қиймати 45 миллион еврога баҳоланмоқда. Гарначо ва "қизил иблислар" ўртасидаги амалдаги меҳнат шартномаси 2028 йилда тугайди. Ўтган мавсумда Алехандро 58та ўйинда майдонга тушиб, 11та гол ва 10та голли узатмани амалга оширди.
