"Ливерпуль" таркибни кучайтириш мақсадида трансфер бозоридаги ишларини давом эттирмоқда. Нуфузли инсайдер Фабрицио Романонинг ижтимоий тармоқларда маълум қилишича, мерсисайдликлар ҳужумчи Уго Экитике учун илк расмий таклифни билдирган.
"Айнтрахт" кўпроқ нарса хоҳлашини таъкидлаб, таклифни рад этди. Аммо бу фақат биринчи шартнома эди - музокаралар давом этмоқда.
23 ёшли Экитикенинг ўзи "Ливерпуль"га ўтишни истамоқда. Шу билан бирга, аввалроқ матбуот франтсиялик футболчини Англия Премьер-лигасининг бошқа клуби - "Ньюкасл" билан фаол боғлаган эди.
Transfermarkt портали Уго Экитикени 75 миллион еврога баҳоламоқда.
