"Реал" раҳбарияти жамоа таркибини Хаби Алонсо талабларига мослаштирмоқда. Яқин келажакда мадридликлар жамоаси раҳбарияти Леверкузеннинг "Байер" клубида Алонсо билан бирга ишлаган футболчини қўлга киритиши мумкин. Transfer News Live нашрининг ESPN'га таяниб хабар беришича, "қаймоқранглилар"га ҳимоячи Пьеро Инкапье таклиф қилинган.
Инкапье бир нечта позицияларда ўйнашга қодир - марказий ҳимояда, чап қанот ҳимоясида ва чап ярим ҳимояда. Эквадорлик футболчи Хаби Алонсонинг ўйин тизимига яхши мос келади.
Пьеро Инкапье 23 ёшда. Нуфузли Transfermarkt портали мутахассислари эквадорлик футболчини 50 миллион еврога баҳоламоқда.













