Килиан Мбаппесиз биринчи мавсумдаёқ "ПСЖ" тарихда илк бор Чемпионлар лигасини ютишга эришди. Бу ҳақда "Реал" ярим ҳимоячиси Орельен Тчуамени фикр билдирди.
Мбаппенинг клуб ва Франция терма жамоасидаги шериги кўпчилик вазиятни нотўғри баҳолаётганини таъкидлади.
"Айтиш жоизки, сўнгги йилларда "ПСЖ" сафида ўйнаган ҳар бир футболчи жамоанинг Чемпионлар Лигасидаги ғалабасига ўз ҳиссасини қўшган. Буни шундай қабул қилиш керак. Сизларнинг "Килиан йўқ эди ва улар усиз ғалаба қозонишди" деган гапларингиз нотўғри," - дея Тчуаменининг сўзларини келтиради Reddit.
Эслатиб ўтамиз, "ПСЖ" Чемпионлар Лигаси финалида "Интер"ни 5:0 ҳисобида тор-мор этган эди.
