"Манчестер Сити" ҳужумчиси Жереми Доку YouTube'да нима учун канал очганини тушунтирди.
"Одамлар футболчининг ҳаётида ҳамма нарса қандай бўлиши кераклиги ҳақида маълум тасаввурга эга. Ва улар ўз ҳаётларини кўрсатганларида, фақат яхши нарсаларни кўрсатадилар. Таътил, пул, ёрқин лаҳзалар. Бу бор-йўғи 10 фоиз дегани. Улар сизга қийин лаҳзаларни кўрсатмайди," - деди Доку ўз каналидаги биринчи видеода.
23 ёшли бельгиялик футболчининг "Манчестер Сити" билан амалдаги шартномаси 2028 йилга қадар имзоланган. Transfermarkt портали футболчининг нархини 50 миллион еврога баҳоламоқда.
Клублар ўртасидаги жаҳон чемпионати-2025'да Доку 3 та ўйинда 2 та гол урди.
