Бразилия терма жамоаси бош мураббийи Карло Анчелотти асосий жамоада 10 йил ўйнагандан сўнг Мадриднинг "Реал" клубини тарк этган ҳимоячи Лукас Васкесга хабар йўллади.
"Лукас, ишга садоқатинг ва "Реал" қадриятларини муносиб тарзда ифодалаганинг учун сенга миннатдорчилик билдираман. Янги босқичингда омад тилайман," - дея Анчелотти ўзининг ижтимоий тармоқдаги саҳифасида ёзди.
Васкес 2021 йилдан 2025 йилгача Анчелотти қўл остида ўйнаган. Испаниялик ҳимоячи 34 ёшда. У 2007 йилдан бери "Қироллик клуби" тизимида бўлган, аммо асосий таркибда 2015 йилда дебют қилган. Лукас ўз фаолияти давомида "қаймоқранглилар"нинг асосий жамоаси сафида 402 та ўйин ўтказиб, 23 та совринни қўлга киритган.
