"Лидс Юнайтед" "Фейеноорд"нинг бразилиялик вингери Игор Пайшаонинг атрофидагилар билан музокара ўтказди, деб ёзади Yorkshire Evening Post.
Учрашувда 25 ёшли футболчининг вакилларига клубни ривожлантириш лойиҳаси ва футболчи унга қандай мослашиши ҳақида маълумот берилди.
Футболчининг трансфери "Лидс"га қанчага тушиши мумкин ва у бундай трансферга қизиқиш билдирадими - манба маълум қилмаган.
Пайшаога яна бир даъвогар Франциянинг "Марсель" клуби бўлиб, у бу мавсумда Роберто Де Дзерби қўл остида Чемпионлар лигасида ўйнайди.
Эслатиб ўтамиз, Игор Нидерландия клубида 2022 йилнинг августидан буён тўп тепиб келмоқда.
Бу вақт ичида у 129 та ўйинда 39 та гол урди ва 23 та голли узатмани амалга оширди.
