"Ливерпуль" франциялик ҳужумчи Уго Экитике учун "Айнтрахт"га 100 млн евро тўлашга тайёр.
Аввалроқ, немис клуби ўз форвардини 81 млн еврога баҳолаган ва мерсисайдликларга уларнинг таклифи юқорироқ бўлиши кераклигини билдирганди.
"Ливерпуль" ушбу шартларга амал қилиб, расмий таклиф тайёрламоқда, деб ёзади Daily Mail.
Манбага кўра, клуб футболчи билан 6 йил муддатга шартнома имзолайди.
Аввалроқ, Экитикенинг ўзи фаолиятини "Ливерпуль"да давом эттиришни истагани учун "Манчестер Юнайтед" ва "Ньюкасл"га рад жавобини бергани ҳақида хабарлар тарқалган эди.
