Бугун Қувасойдаги “Марказий” стадионда Ёшлар лигаси 12-туридан ўрин олган “Нефтчи”-“Навбаҳор” жамоалари ўринбосарлари ўртасида ўйин бўлиб ўтди.   Ўйинда 2:1 ҳисоби қайд этилди.

Учрашувнинг 12-дақиқасида бурчакдан оширган тўпни Зокиров дарвозага аниқ йўллаб ҳисобни очди. Голдан кейин фарғоналикларда яна бир нечта имкониятлар бўлди. Аммо ҳар сафар бундан фойдалана олмадик.

37- дақиқада  Алиевнинг кучли зарбаси олдида “Нефтчи” посбони ожиз қолди – 1:1. 

Учрашувнинг иккинчи бўлимида мезбонлар кўплаб хавфли вазиятлардан фойдалана олишмади.  76- дақиқада меҳмонлар таркибида иккинчи бўлимда майдонга тушган Нуриддинов иккинчи марта ҳакам томонидан огоҳлантириб, майдондан четлатилди. 78- дақиқада мезбонлар ҳимоячиси Жасур Саидов рақибига ўта қўпол муносабатда бўлгани туфайли қизил карточка билан жазоланди.  88 дақиқада Отабек Ҳайдаров томонидан киритилган гол мезбонларга қимматли уч очкони тақдим этди.  Сўнгги дақиқада меҳмонларнинг яна бир футболчиси майдондан четлатилди.