"Ал-Ҳилол" "Ньюкасл"нинг 25 ёшли ҳужумчиси Александр Исакни ўз сафига қўшиб олиш мақсадида ўта катта таклиф билан чиқмоқчи. Бу ҳақда журналист Жанлука Ди Марцио хабар бермоқда.
Манбага кўра, инглиз клуби жамоа етакчиларидан бирини катта пулга ҳам сотмоқчи эмас.
Аввалроқ ОАВда "Ливерпуль" Исак бўйича "Ньюкасл"га таклиф тайёрлаётгани ҳақида хабарлар тарқалган эди. Таъкидланишича, мерсисайдликлар Швеция терма жамоаси футболчисининг трансфери учун 100-120 млн евро тўлаши мумкин.
Ўтган мавсумда Исак барча мусобақаларда 42 та ўйинда майдонга тушиб, 27 та гол ва 6 та голли узатмани амалга оширди. Шведнинг клуб билан амалдаги шартномаси 2028 йилнинг июнь ойи охиригача мўлжалланган.
