Ўртоқлик ўйини. «Андижон» Тожикистон клубини мағлуб этди

«Андижон» Тожикистонда давом этаётган ёзги ўқув-машғулот йиғини доирасида Тожикистон олий лигаси вакили «Эсхата» клубига қарши дастлабки назорат учрашувида иштирок этди.

Бош мураббий Максим Шацких иккала таймда икки хил таркибни майдонга туширди. Янги ўйинчилар ҳам «Андижон»даги норасмий баҳсда дебютини ўтказдилар. Фақат Суннатилло Ҳамиджонов бундан мустасно бўлиб, у энди жамоага қўшилди ва кейинги баҳсда майдонга тушади.

Ўйин қизиқарли ва ҳужумкор руҳда ўтди. Учрашувда жамоамиз тезкор гол урди. Дамир Темировнинг пасидан сўнг Саидумархон Саиднуруллаев усталик билан рақиб дарвозасини ишғол қилди. 12-дақиқада «Эсхата» вакиллари мувозанатни тиклаганидан сўнг яна «Андижон»да голли ҳужумлар содир бўлди. Дамир Темиров жуда қулай вазиятдан фойдалана олмади. Кейинчалик Усмонали Исмоналиев гол урдию, бироқ офсайд деб топилди. Шунга қарамай, жамоамизни майдонга сардор сифатида бошлаб тушган Усмоналиев 17-дақиқада барибир ўз мақсадига эришди. У биринчи гол муаллифи Саиднуруллаевнинг ажойиб пасидан сўнг рақиб дарвозасини ишғол қилди.

Биринчи бўлимда бошқа гол урилмади. Қолгани танаффусдан кейин юз берди. Иккинчи таймда бошқа таркиб майдонга туширилди ва сардорлик боғичи Сардор Азимовга ўтди. Ташаббус эса тўлиқ жамоамиз томонига ўтди. Аввалига Шохжаҳон Ёрқинбоев, орадан кўп ўтмасдан Дониёр Абдуманнопов ўзларини кўрсатишган ҳолда рақиб дарвозасини ишғол қилдилар. Ўйиндаги охирги гол «Эсхата» томонидан киритилди. Умумий қилиб айтганда, ўйиндаги устунлик натижада акс этди.

Шундай қилиб, «Андижон» ёзги йиғинидаги биринчи назорат учрашувида 4:2 ҳисобида ғалаба қозонди. Жамоамиз кейинги ўйинни 22 июль куни Тожикистоннинг бошқа бир клуби – «Истаравшан»га қарши ўтказади.

«Андижон» - «Эсхата» – 4:2 (2:1).
18 июль. Тожикистон. Гулистон. «Натсбанк» майдони.
Бош ҳакам: Хуршед Дадабоев
Ёрдамчи ҳакамлар: Мурод Қурбонов, Шаодат Абдуллаева
Назоратчи: Зохир Ҳотамов
«Андижон»: Элдор Адҳамов, Абубакир Ашуров, Муҳаммадали Абдурашидов, Бекзод Сулаймонов, Дамир Темиров, Муҳаммадкарим Тоиров, Бектемир Абдуманнонов, Миразиз Мухамадалиев, Фарҳод Соҳибжонов, Саидумархон Саиднуруллаев, Усмонали Исмоналиев.
Иккинчи бўлимда майдонга тушганлар: Артём Одинсов, Ислом Маматказин, Кристиан Новак, Абдураҳмон Комилов, Сардор Азимов, Шохжаҳон Ёрқинбоев, Альтин Крезиу, Абдураҳмон Абдуллаев, Муҳаммадали Усмонов, Дониёр Абдуманнопов, Отабек Жўрақўзиев.
«Эсхата»: Иззат Турсунов, Дилшод Каримов, Сардор Хурсандов, Сохиб Хакимов, Абдураҳмон Узоқов, Диёр Шавқиев, Абдусамад Самадов, Иброҳим Эшонхонов, Хожи Абдуманнон, Рустам Сабуров, Бахтиёр Зарипов.
Голлар: Саидумархон Саиднуруллаев, 2 - 1:0. Рустам Сабуров, 12 - 1:1. Усмонали Исмоналиев, 17 - 2:1. Шохжаҳон Ёрқинбоев, 57 - 3:1. Дониёр Абдуманнопов, 60 - 4:1. Иброҳим Эшонхонов, 66 - 4:2.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

27/12 01:00	Ман. Юнайтед	1-0	Ньюкасл
27/12 16:30	Парма	1-0	Фиорентина
27/12 17:30	Ноттингем Форест	1-2	Манчестер Сити
27/12 19:00	Лечче	0-3	Комо
27/12 19:00	Торино	1-2	Кальяри
27/12 20:00	Арсенал	2-1	Брайтон
27/12 20:00	Брентфорд	4-1	Борнмут
27/12 20:00	Бёрнли	0-0	Эвертон
27/12 20:00	Ливерпуль	2-1	Вулверхэмптон
27/12 20:00	Вест Хэм	0-1	Фулхэм
27/12 22:00	Удинезе	1-1	Лацио
27/12 22:30	Челси	1-2	Астон Вилла
28/12 00:45	Пиза	0-2	Ювентус
28/12 16:30	Милан	-	Верона
28/12 19:00	Кремонезе	-	Наполи
28/12 19:00	Сандерленд	-	Лидс
28/12 21:30	Кристал Пэлас	-	Тоттенхэм
28/12 22:00	Болонья	-	Сассуоло
29/12 00:45	Аталанта	-	Интер

Ўртоқлик ўйини. «Андижон» Тожикистон клубини мағлуб этди

ЭНГ КЎП ЎҚИЛГАН ЯНГИЛИКЛАР