"Интер" "Аталанта" ҳужумчиси Адемола Лукман трансфери устида ишламоқда.
Милан гранди аллақачон 27 ёшли футболчининг ўзи билан келишиб бўлган - бергамоликларни кўндириш қолган. Журналист Альфредо Педулла маълумотларига кўра, "Интер" шартномани ўн кун ичида якунлашни истамоқда: тахминларга кўра, 45 млн евро ва 5 млн бонуслар таклифи "Аталанта"ни қониқтириши керак.
Адемола Лукман ўтган мавсумда 40 та жангда 20 та гол ва еттита ассистни ўз ҳисобига ёздириб қўйган. Нигериялик футболчининг бергамоликлар билан амалдаги шартномаси 2027 йилнинг ёзигача мўлжалланган.













