"Тоттенхэм" ҳужумчиси Сон Хён Миннинг келажаги ҳамон аниқ эмас. 33 ёшли "шпорлар" сардорининг шартномаси бир йилдан сўнг ўз ниҳоясига етади. ОАВда ҳужумчи жорий трансфер ойнасида кетиши мумкинлиги ҳақида маълумотлар мунтазам пайдо бўлмоқда.
"Сон аъло даражада машқ қилмоқда,эртага "Рединг" билан ўртоқлик ўйинида у майдонга тушади. Албатта, футболчи клубда шунча вақт ўтказганидан кейин келажак ҳақида қарор қабул қилиш ҳар доим ҳам осон эмас. Футболчиларнинг кетиши жиддий оқибатларга олиб келиши мумкин, аммо якуний танлов клубда қолади," - деди Франк интервьюда.
Сон Хён Мин 2015 йилдан бери "Тоттенхэм" шарафини ҳимоя қилмоқда. Томас Франк шу йилнинг ёзида ишдан бўшатилган Анге Постекоглунинг ўрнини эгаллади.
