"Брайтон" ҳужумчиси Эван Фергюсон Италиянинг "Рома" клубига ўтади.
Римликлар "чайкалар" билан ирландияликнинг ижара шартлари бўйича якуний келишувга яқин турибди, деб хабар берди инсайдер Фабрицио Романо. "Бўрилар" 20 ёшли футболчининг Италиядаги фаолияти давомида оладиган маошини тўлиқ қоплаб беради. Томонлар сўнгги ньюансларни ҳал қилишлари керак.
Эван Фергюсон 2024/25 йилги мавсумнинг иккинчи ярмини "Вест Хэм"да ижарада ўтказди, аммо муваффақиятга эриша олмади, саккизта ўйинда майдонга тушди ва бирорта гол ура олмади. Ҳужумчининг "Брайтон" билан амалдаги шартномаси 2029 йилнинг ярмигача мўлжалланган.
