"Уотфорд" "Бавария"нинг австралиялик 19 ёшли ўнг қанот вингери Нестори Иранкундани ўз сафига қўшиб олганини эълон қилди.

Футболчи инглиз клуби билан 5 йиллик шартнома имзолади.

Клублар ўртасидаги келишувнинг молиявий тафсилотлари расман маълум қилинмаган, бироқ Sky Sports журналисти Энтони Жозефнинг маълум қилишича, "Уотфорд" Иранкунда учун 2,5 млн фунт (2,85 млн евро) тўлаган.

Шу билан бирга, аввалроқ инсайдер Фабрицио Романо трансфер қиймати 4 миллион еврони ташкил этиши мумкинлиги, "Бавария" эса футболчининг кейинги трансферидан 50% олиши ҳақида ёзганди.

Иранкунда "Бавария"нинг асосий жамоасида ўйнамаган. У "Бавария U-19" ва "Бавария-2" жамоаларида ўйнаган.