"Тоттенхэм" бош мураббийи Томас Франк ҳимояда ишончли ўйнаш муҳимлиги ҳақида гапирди.
Ўтган мавсумда "шпорлар" ҳимоядаги муаммолар туфайли азият чекишди, кетма-кет жароҳатлар вазиятни янада оғирлаштирди. Лондонликлар Премьер-лигада 17-ўринни эгаллади ва мавсум якунида мураббийлар алмашди: Европа Лигасидаги ғалабага қарамай, Анге Постекоглу истеъфога чиқарилди, австралияликнинг ўрнини эса Франк эгаллади.
"Тоттенхэм" зерикарли ўйнайдими? Ишончим комилки, кўплаб голлар урамиз, аммо ўйинларда ғалаба қозонишни истасак, ҳимояланишни ҳам билиш муҳим. Ҳимояда ўйнай олмайдиган бирорта муваффақиятли жамоани кўрмадим. Бу биз ҳужум қилмоқчи эмасмиз дегани эмас. Муайян шароитларда биз прагматик ҳаракат қиламиз," - дея Франкнинг сўзларини келтиради The Spurs Express.
Эслатиб ўтамиз, даниялик "Тоттенхэм"га тайинланишидан олдин "Брентфорд"ни бошқарган.
