"Tottenxem" bosh murabbiyi Tomas Frank himoyada ishonchli o‘ynash muhimligi haqida gapirdi.
O‘tgan mavsumda "shporlar" himoyadagi muammolar tufayli aziyat chekishdi, ketma-ket jarohatlar vaziyatni yanada og‘irlashtirdi. Londonliklar Premyer-ligada 17-o‘rinni egalladi va mavsum yakunida murabbiylar almashdi: Yevropa Ligasidagi g‘alabaga qaramay, Ange Postekoglu iste’foga chiqarildi, avstraliyalikning o‘rnini esa Frank egalladi.
"Tottenxem" zerikarli o‘ynaydimi? Ishonchim komilki, ko‘plab gollar uramiz, ammo o‘yinlarda g‘alaba qozonishni istasak, himoyalanishni ham bilish muhim. Himoyada o‘ynay olmaydigan birorta muvaffaqiyatli jamoani ko‘rmadim. Bu biz hujum qilmoqchi emasmiz degani emas. Muayyan sharoitlarda biz pragmatik harakat qilamiz," - deya Frankning so‘zlarini keltiradi The Spurs Express.
Eslatib o‘tamiz, daniyalik "Tottenxem"ga tayinlanishidan oldin "Brentford"ni boshqargan.
