Chempionlar ligasi finali haligacha muhokama qilinmoqda – «PSJ» 1:1 hisobidagi durangdan so‘ng penaltilar seriyasida «Arsenal»ni mag‘lub etdi. O‘n bir metrli zarbalar seriyasida londonliklar uchun himoyachi Gabriel to‘pni darvoza to‘sinidan yuqoriga yo‘lladi.

«The Touchline» qiziqarli bir faktni qayd etdi: Gabriel 2017 yilda Yevropaga kelganidan buyon, Chempionlar ligasining ushbu finaliga qadar biror marta ham penalti tepmagan ekan. «Arsenal»ga qadar Gabriel Yevropada «Lill», «Trua» (ijara) va Zagrebning «Dinamo» (ijara) klublarida to‘p surgan.

Eslatib o‘tamiz, «Arsenal» o‘z tarixida ikkinchi marta Chempionlar ligasi finalida ishtirok etdi. 2006 yilda ham «kanonirlar» mag‘lubiyatga uchrashgan edi, lekin o‘shanda asosiy vaqtda «Barselona»ga 1:2 hisobida imkoniyatni boy berishgandi.