Чемпионлар лигаси финали ҳалигача муҳокама қилинмоқда – «ПСЖ» 1:1 ҳисобидаги дурангдан сўнг пенальтилар сериясида «Арсенал»ни мағлуб этди. Ўн бир метрли зарбалар сериясида лондонликлар учун ҳимоячи Габриэль тўпни дарвоза тўсинидан юқорига йўллади.

«The Touchline» қизиқарли бир фактни қайд этди: Габриэль 2017 йилда Европага келганидан буён, Чемпионлар лигасининг ушбу финалига қадар бирор марта ҳам пенальти тепмаган экан. «Арсенал»га қадар Габриэль Европада «Лилль», «Труа» (ижара) ва Загребнинг «Динамо» (ижара) клубларида тўп сурган.

Эслатиб ўтамиз, «Арсенал» ўз тарихида иккинчи марта Чемпионлар лигаси финалида иштирок этди. 2006 йилда ҳам «канонирлар» мағлубиятга учрашган эди, лекин ўшанда асосий вақтда «Барселона»га 1:2 ҳисобида имкониятни бой беришганди.