Миланнинг "Интер" клуби спорт директори Пьеро Аузилио жамоанинг ўнг қанот ҳимоячиси Дензел Дюмфрис ҳақидаги саволга жавоб берди.
Нидерландиялик футболчининг шартномасида 25 млн евролик товон пули кўрсатилган бўлиб, у жорий ойда амал қилади. Миш-мишларга кўра, 29 ёшли қанот ҳимоячисига "Барселона" даъвогарлик қилган.
"Ихтиёрий тўловлар ҳақидаги маълумотлар тўғри, товон пули бир пайтлар долзарб бўлган. Дюмфрисни текинга йўқотиш хавфи бор эди, шунинг учун клуб манфаатларини ҳимоя қилдик ва бу бандни шартномага киритдик. "Барселона"га келсак, биз ундан ҳеч қандай таклиф олганимиз йўқ," - деди Аузилио Sky Sport нашрига берган интервьюсида.
Дензел Дюмфриснинг "Интер" билан шартномаси 2028 йилгача мўлжалланган.
