"Ан-Наср" директори лавозимига Жозе Семеду тайинланди. У ўз вақтида Криштиану Роналду билан Лиссабоннинг "Спортинг" клубида бирга ишлаган эди. Шу муносабат билан машҳур Криштиану ижтимоий тармоқларда пост эълон қилди.
"Сен билан фахрланаман! Кел, жамоани ривожлантириш учун қўлимиздан келганини қилайлик!" - деб ёзди Роналду Семедуга қарата.
Қизиқ томони шундаки, Криштиану Роналду ва Жозе Семеду тенгдош - уларнинг ҳар иккаласи ҳам 40 ёшда.
Таъкидлаш жоизки, ўтган ойда Роналду "Ан-Наср" билан шартномасини кейинги икки мавсумга - 2027 йилнинг ўрталаригача узайтирган эди. Криштиану жамоа билан Саудия Арабистони чемпионатида ғалаба қозонишга интилаётганини маълум қилди.
