"Ливерпуль" ёзда марказий ҳимоячи Ибраима Конате билан шартнома имзолашга уринган клубдан 40 млн фунт (46,4 млн евро) талаб қилади (аввал бу сумма 56 миллион евро атрофида эди). Бу ҳақда Football Insider нашри хабар бермоқда.
Манбага кўра, мерсисайдликлар 26 ёшли ҳимоячини сотишни истамаяпти, аммо Конатенинг шартномаси 2026 йилнинг ёзида якунланиши сабабли уни текинга қўйиб юбормоқчи ҳам эмас. "Қизиллар" франциялик футболчи билан меҳнат шартномасини узайтириш бўйича янги музокаралар ўтказмоқчи.
Аввалроқ ОАВ Конате "Ливерпуль" билан шартномани узайтириш ниятида эмаслиги ва Мадриднинг "Реал" клубига ўтишни орзу қилаётгани ҳақида ёзганди.
26 ёшли футболчи "Ливерпуль" сафида 2021 йилнинг ёзидан буён тўп тепиб келмоқда. Transfermarkt порталида келтирилган маълумотларга кўра, футболчининг бозор нархи 60 млн еврони ташкил этади.
